Amerika Birləşmiş Ştatlarının dövlət katibi Marko Rubio Azərbaycan xalqını 28 May Müstəqillik Günü münasibətilə təbrik edib. Təbrik ABŞ Dövlət Departamentinin rəsmi saytında dərc olunub.
Marko Rubio təbrikində bildirib:
"Amerika Birləşmiş Ştatları adından Azərbaycan xalqını Müstəqillik Günü münasibətilə təbrik edirəm. Son bir ildə münasibətlərimizdə strateji tərəfdaşlıq səviyyəsini yüksəltdik. Bunun zirvə nöqtəsi Bakıda vitse-prezident Cey D. Vens və Prezident İlham Əliyev tərəfindən strateji tərəfdaşlıq xəritəsinin imzalanması oldu. Biz regional infrastrukturun genişləndirilməsi, iqtisadi əlaqələrin və təhlükəsizlik sahəsində əməkdaşlığın inkişafı yolu ilə tərəfdaşlığımızın daha da möhkəmlənəcəyinə ümid edirik. ABŞ Azərbaycanın Cənubi Qafqaza davamlı sülhə sadiqliyini alqışlayır və bu istiqamətdə əməkdaşlığımızın davam edəcəyinə inanır. Qarşıdakı ildə və gələcəkdə tərəfdaşlığımızın daha da dərinləşəcəyinə ümid edirik."
