Azərbaycan çempionatının yüksək dəstəsində çıxış etmiş Karat klubu ləğv olunub. Bu barədə İqtisadiyyat Nazirliyi yanında Dövlət Vergi Xidmətinin "Vergilər" qəzetində elan dərc olunub.
Qeyd edək ki, Karat yüksək liqada 2004-2005-ci il mövsümündə çıxış edib. Çempionatı 10-cu bitirməsinə baxmayaraq, mövsüm sonunda klub fəaliyyətini dayandırdığı üçün onun əvəzinə aşağı dəstəyə düşən MOİK çempionatda saxlanılıb.
Həmin mövsümdə Azərbaycan Kubokunda əvvəlcə 1/8 final mərhələsində iki oyunun cəmində Kəpəz komandasını turnirdən uzaqlaşdırmağı bacarsa da, 1/4 finalda İnterə məğlub olaraq mübarizəni dayandırıb.
