Xalq artisti Ağadadaş Ağayev RTV Rekord kanalında yayımlanan “Çərçivədən Kənar” verilişinin qonağı olub. Aparıcı Türkan Məmmədlinin suallarını cavablandıran sənətkar, həyat fəlsəfəsindən, qadın-kişi münasibətlərindən və sənətə gəlişindən danışıb. Söhbət əsnasında qadınların kişilərə xəyanət etməməli olduğunu vurğulayan Ağadadaş Ağayev, xəyanətin bağışlanılmaz olduğunu deyib.
Qonaq, müasir dövrdə qadınların kişilərə bənzəməyə çalışmasından narahatlığını ifadə edərək, qadınların kişiləri ucaltmalı olduğunu bildirib. Sənətkar, həmçinin, sənətə gəlişindən, yaradıcılığından və gələcək planlarından danışıb. Sonda aparıcı Türkan Məmmədli Ağadadaş Ağayevə maraqlı söhbətinə görə təşəkkür edib.
