Rusiyadan Ermənistana daha bir qadağa qoyulub. Rusiya Federal Baytarlıq və Fitosanitar Nəzarət Xidmətinin (Rosselxoznadzor) məlumatına görə, iyunun 2-dən Ermənistandan çiyələk, üzüm və digər meyvələrin idxalı məhdudlaşdırılacaq.
Qərar, Ermənistandan idxal olunan məhsullarda zərərvericilərin aşkarlanması ilə əlaqədar qəbul edilib. Rosselxoznadzorun bildirdiyinə görə, bu qadağa Ermənistandan gətirilən məhsulların tədarükü zamanı pozuntu hallarının artması ilə əlaqədar tətbiq edilib.
Bu qadağa Ermənistanın kənd təsərrüfatı ixracına təsir göstərə bilər. Son vaxtlar Rusiyanın Ermənistandan idxal olunan məhsullara qarşı qadağaları artmaqdadır.
