Fövqəladə Hallar Nazirliyinin 112 qaynar telefon xəttinə Lənkəran rayonunun Biləcər kəndi yaxınlığında yerləşən Biləcər şəlaləsində vətəndaşın boğulması barədə məlumat daxil olub.
Məlumatla əlaqədar dərhal Fövqəladə Hallar Nazirliyinin Kiçik Həcimli Qəza-Xilasetmə Axtarış Dəstəsinin dalğıc axtarış qrupu çağırış üzrə cəlb olunub.
Dalğıclar tərəfindən 1994-cü il təvəllüdlü Quliyev Elvin Əsif oğlunun meyiti suda tapılıb, çıxarılaraq adiyyəti üzrə təhvil verilib.
Hadisə ilə əlaqədar müvafiq qurumlar tərəfindən araşdırma aparılır.
