Azərbaycan Respublikasının Qida Təhlükəsizliyi Agentliyi (AQTA) tərəfindən paytaxtda yerləşən bazarlarda aparılan monitorinqlər zamanı 8-ci kilometr bazarında ciddi sanitariya və gigiyena pozuntuları aşkar edilib.
AQTA-nın mətbuat xidmətinin məlumatına görə, aparılan yoxlamalar zamanı 17 ərzaq bazarında nöqsanlar aşkarlanıb və bu nöqsanlar qismən aradan qaldırılıb. Digər 8 bazarda isə mövcud nöqsanların ən qısa zamanda aradan qaldırılması istiqamətində işlər davam etdirilir.
RTV telekanalının əməkdaşı Xənim Cavanşirqızı 8-ci kilometr bazarında olub, mövcud vəziyyətlə bağlı reportaj hazırlayıb. Reportajda milçəklərlə dolu vitrinlər, qanlı piştaxtalar və antisanitar şəraitin mövcud olduğu ərazilər əks olunub.
Bazar işçiləri ilə aparılan söhbətlər zamanı məlum olub ki, onlar özləri soyuducular alıb, öz hesablarına soyuq saxlanılmalı məhsulları soyuduculara yerləşdirirlər. Lakin buna baxmayaraq, bəzi yerlərdə sanitariya normalarına əməl olunmur.
Məsələn, bir satıcı qeyd edib ki, “milçəkli vitrinlər, qanlı piştaxtalar... Bütün bazarlarda eyni vəziyyətdir. Balıq bazarına baxanda başqa, ətə baxanda başqa. Heç bir yerdə normal sanitariya şəraiti yoxdur.”
Digər bir satıcı isə bildirib ki, “Biz özümüz soyuducu alıb öz hesabımızdan soyuduruq. Amma bazarın özünün barmağı olub da orada. Balıqları da soyuducuya qoyub satırıq. Yayda bu balığı təzə-təzə satmaq üçün soyuducuda saxlamalıyıq.”
AQTA tərəfindən aparılan monitorinqlər nəticəsində aşkar edilmiş nöqsanların ən qısa zamanda aradan qaldırılmasına dair tədbirlər görüləcək.
