Azərbaycan Respublikası Əmək və Əhalinin Sosial Müdafiəsi Nazirliyi sosial layihəsi çərçivəsində satılan mənzillərin qiymətləri açıqlanıb. Satışa çıxarılan mənzillərin hər kvadrat metri bazar qiymətindən xeyli aşağı olmaqla, 435-830 manat aralığında dəyişir.
Bu mənzillər Bakının Umid qəsəbəsində, Abşeron və Samux rayonlarında yeni yaşayış komplekslərində yerləşir. Mənzillərin hər biri 3 və 4 otaqlıdır, tam təmirli və istifadə olunmamış vəziyyətdədir.
Mənzilləri almaq istəyənlər üçün ipoteka krediti imkanı da mövcuddur. Ətraflı məlumat üçün nazirlik sosial layihələrinin icra olunduğu mc.gov.az portalına müraciət etmək olar. Portalda "Bron et" düyməsini sıxmaqla mənzili bron etmək mümkündür.
Bir şəxs bir mənzili bron edə bilər. İlk bron edən şəxs mənzili almasa, mənzili almaq hüququ növbəti şəxsə keçir.
