İsrailin Baş Naziri Benyamin Netanyahu bildirib ki, hazırda bütün diqqət Hizbullahın tamamilə dağıdılmasına yönəlib.
Netanyahu qeyd edib ki, İsrailin şimalına Hizbullah terrorçularının hücum təhlükəsi artıq mövcud deyil. O, Livandakı vəziyyəti köklü şəkildə dəyişmək üçün qətiyyətli olduqlarını vurğulayıb.
"Biz Hizbullahın tank əleyhinə raketlərindən gələn təhdidləri dəf etmək üçün Livanda genişləndirilmiş bufer zona yaradırıq. Livandakı vəziyyəti köklü şəkildə dəyişmək üçün hər şeyi etməyə qəti qərarlıyıq."
Baş Nazir əlavə edib ki, İsrailin Suriyadakı druzları qorumaq öhdəliyi qüvvədə qalır.
