"RTV"-yə istinadən verilən məlumata görə, Ceyhun Bayramov bildirib ki, məqsəd həyatlarını qurban vermiş şəhidlərin xatirəsinə ehtiramımızı bildirmək və onları yad etməkdir. O, son beş il ərzində Azərbaycan xalqının bu günü anarkən, qurbanların öz canlarını fəda etməsi nəticəsində öz əzəli torpaqlarını düşmən tapdağından azad etdiyini vurğulayıb.
Ceyhun Bayramovun sözlərinə görə, Azərbaycanın ərazi bütövlüyü və suverenliyi bərpa edilib. Hazırda bütün Qarabağda bərpa və quruculuq işləri gedir, insanlar öz doğma yurdlarına qayıdırlar, o cümlədən Xocalıya da.
Ceyhun Bayramov Xocalı qətliamının təkcə dəhşətli faciə və cinayət olmadığını, Xocalıdan öncə bir sıra yaşayış məntəqələrində buna oxşar qırğınların baş verdiyini qeyd edib. Bu, etnik nifrət əsasında qurulmuş siyasətin bir hissəsi idi. Xocalı faciəsi miqyasına görə ən böyük olduğuna görə bir gecədə 613 insanın həyatına son qoyulub. Həmin insanların çoxu günahsız mülki şəxslər, qadınlar, uşaqlar və yaşlılar idi.
Ceyhun Bayramov bu gün Azərbaycanın başqa reallıqlarla inkişaf etdiyini, sülh prosesi barədə danışıldığını bildirib. O, torpaqlar bərpa edilərkən, hüquqlar bərpa edilərkən və tarixi ədalət bərpa edilərkən Azərbaycan dövlətinin Ali Baş Komandanı, Azərbaycan prezidenti İlham Əliyevin rəhbərliyi ilə Azərbaycan ordusunun nə qədər qətiyyətli addımlar atdığını bütün dünyanın gördüyünü söyləyib. Ceyhun Bayramovun sözlərinə görə, sülh prosesində də liderlik və təşəbbüslər Azərbaycan dövləti tərəfindən edilib və bu istiqamətdə ciddi addımlar atılır, böyük nəticələr əldə olunur. Eyni zamanda tarix unudulmamalıdır. Bütün Azərbaycan xalqı şəhidləri yad edir.
