İsrail Müdafiə Qüvvələri bu gün İrandan Yəhudi dövlətinə yönələn raket buraxılışı ilə bağlı üçüncü dəfə xəbərdarlıq edib. Bu barədə Saxal Teleqram kanalında məlumat verilib.
Bildirilib ki, İsrail ordusu raketləri zərərsizləşdirməyə davam edir. Yerli medianın məlumatına görə, bu dəfə ölkənin şimal hissəsində siren səsləri eşidilir.
Bundan əvvəl İsrail hakimiyyəti Livanla sərhəd ərazilərdə mümkün pilotsuz təyyarə hücumu barədə xəbərdarlıq etmişdi. Bundan başqa, İranın Dövlət Televiziyası da İslam Respublikasının İsrail ərazisinə raket atdığı haqqında məlumat verib. Bildirilib ki, aviahücumlar Yəhudi dövlətinin mərkəzinə doğru yönəlib.
