Amerika Birləşmiş Ştatları Mərkəzi Komandanlığının komandanı Admiral Brett Cooper və Birləşmiş Qərargah Rəisləri Komitəsinin rəisi General Dan Kaine, bu gecə Prezident Donald Trampa İrana qarşı yeni əməliyyat planları barədə 45 dəqiqə məlumat verib.
Bu barədə rəsmi mənbələrə istinadla İsrailin N12 telekanalı məlumat yayıb.
Rəsmilərin sözlərinə görə, bu toplantı Trampın danışıqlardakı çıxılmaz vəziyyəti aradan qaldırmaq və ya müharibə bitməzdən əvvəl son zərbəni vurmaq üçün İranla hərbi əməliyyatları ciddi şəkildə düşündüyünü göstərir.
Trampla oxşar brifinq fevralın 26-da ABŞ-da, İsrailin İrana qarşı müharibəyə başlamasından iki gün əvvəl keçirilmişdi.
ABŞ prezidentinə yaxın mənbə bildirib ki, son brifinq Donald Trampın həmin vaxt müharibəyə başlamaq qərarını təsdiq edib.
Məlumata görə, CentCom İrana qarşı qısa və güclü hücumlar dalğası üçün plan hazırlayıb. Növbəti kampaniyanın İranın enerji infrastrukturuna yönələcəyi deyilir. Tramp administrasiyası ümid edir ki, İran nüvə proqramı məsələsində daha çevik davranmaq istəyi ilə danışıqlar masasına qayıdacaq.
