RTV-nin məlumatına görə, bu gündən etibarən yer kürəsində güclü geomaqnit qasırğası müşahidə olunacaq. Proqnoza əsasən, maqnit aktivliyi qırmızı xəbərdarlıq səviyyəsinə yüksələrək K indeksi üzrə beşə çata bilər. Bu, yer kürəsinin maqnit sahəsində ciddi dalğalanmaların baş verəcəyi deməkdir.
Mütəxəssislər hava dəyişikliklərinə görə insanlarda baş ağrısı, yorğunluq, halsızlıq və yuxu pozuntularının arta biləcəyini bildirirlər. Geomaqnit qasırğalarının günəşdən yayılan yüklü hissəciklərin yer kürəsi maqnit sahəsi ilə qarşılıqlı təsiri nəticəsində yarandığı qeyd olunur.
Alimlər bu günlərdə bol su içməyi, kifayət qədər dincəlməyi, düzgün qidalanmağı və məkanları tez-tez havalandırmağı tövsiyə edirlər. Proqnoza əsasən, 17 may tarixindən etibarən geomaqnit aktivliyinin qismən azalacağı qeyd olunur.
